དྲིལ་བརྡ་འདི་ནི་ཆུ་སྟེང་ཤང་སློབ་ཆུང་གིས་མཉམ་སྤྱོད་ཞུས།

༄༅།།ཆུ་སྟེང་ཤང་ལྟེ་བའི་སློབ་ཆུང་གི་ངོ་སྤྲོད་མདོར་བསྡུས།ཆུ་སྟེང་ཤང་ལྟེ་བའི་སློབ་ཆུང་ནི་སྤྱི་ལོ་1985ལོར་དབུ་བརྙེས་ཤིང་།  བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་ཁོངས་སུ་གནས་པའི་ཧི་མ་ལ་ཡའི་རི་བརྒྱུད་ཀྱི་གངས་རིའི་རྒྱལ་པོ་ཇོ་མོ་གླང་མའི་རི་གཤམ་ནས།  བྱམས་བརྩེ་དང་ཤེས་རབ་ཀྱི་གཤོག་ཟུང་རྒྱས་ཏེ་དྲང་བདེན་དང་ཞི་མཐུན་གྱི་སྤྱི་ཚོགས་ལ་ཕྱོགས་བཞིན་པའི་དུས་རབས་གསར་པའི་སློབ་ཆུང་ཚད་ལྡན་ཞིག་ཡིན། ད་ཆ་ངེད་སློབ་གྲྭར་སློབ་མ་574དང་དགེ་རྒན་23ཡོད་ཅིང་།  སློབ་གྲྭ་དབུ་བརྙེས་པ་ནས་ད་བར་གྱི་དུས་ཡུན་ནང་།  ཁྱིམ་བདག་བཟང་པོའི་གཞོགས་འདེགས་དང་དགེ་རྒན་དམ་པའི་ལམ་སྟོན་འོག  སྤྱི་ཚོགས་དང་མི་རིགས་ལ་ཕན་པའི་ཚུལ་ལྡན་གྱི་སློབ་མ་གསོ་སྐྱོང་བྱེད་དང་བྱེད་མུས་ཡིན་ནོ།།